RFI Marknadsdialog knytt til utvikling av eit betre og meir samordna kollektivtilbod i Vestland

Sammendrag fra kunngjøring og vedlegg (AI-generert)

Generert fra kunngjøring og 0 vedlegg. Les originaldokumentene for autoritative krav.

Beskrivelse

Skyss er mobilitetseininga til Vestland fylkeskommune, og har ansvar for å utvikle og drifte kollektivtrafikken i fylket. Hovudoppgåvene er å planleggje og utvikle linjenett og rutetilbod, tildele transportkontraktar for buss, båt og ferje, sørgje for lovpålagd skuleskyss, informere og marknadsføre reisetilbod og kundeløysingar, gi kundeservice og utvikle nye og kombinerte mobilitetstenester. Utviklinga av tilbod og tenester skal skje med grunnlag i vedtekne planar og strategiar, dei reisande sine behov og i takt med endringar i bransjen. Skyss sitt budsjett vert vedteke av fylkestinget og set rammer for kva tilbod som er mogleg å tilby. Vi arbeider kontinuerleg med å styrkje korrespondansar, sikre rett kapasitet til rett tid og ta i bruk teknologi og data for å gjere reisa meir føreseieleg og ressursbruken meir effektiv. Som del av dette arbeidet ynskjer Skyss å få innspel frå private kollektivselskap om korleis vi kan utvikle eit meir heilhetlig kollektivtilbod i Vestland. Dette omfattar både strukturelle og operasjonelle aspekt ved mobilitetstilbodet, og gjeld særleg område med behov for betre koordinering, fleksibilitet og tilpassing til brukarane sine behov. I tillegg ynskjer Skyss å utforske om det finst interesse i marknaden frå kommersielle aktørar for å tilby tenester på utvalde strekningar, eller deler av dei. 8 ruter er peika ut som aktuelle for innspel knytt til mogleg kommersiell drift. Desse rutene har særlege kjenneteikn – som høg etterspurnad i turistperiodar, geografisk kompleksitet eller behov for meir fleksible løysingar enn det ordinære rutetilbodet gir rom for. Følgjande ruter er peika ut som aktuelle for innspel: 805 – Brebuss Fjærland 115 – Olden–Briksdalen 862 – Gaupne–Jostedalen 945 – Voss–Ulvik 850 – Gudvangen–Flåm–Ål 982 – Jondal–Krossdalen–Folgefonna 860 – Sogndal–Lom Sjå vedlegg for meir informasjon om rutane. Skyss ynskjer å få innspel frå private kollektivselskap som kan bidra til å utvikle eit betre og meir samordna kollektivtilbod i Vestland. Innspela skal vere på generelt grunnlag og kan omfatte både strukturelle og operasjonelle aspekt ved bussbasert kollektivtransport. Vi oppmodar dykk til å svare på følgjande punkt: Kva innspel har de på generelt grunnlag til korleis kollektivtilbodet i Vestland kan bli betre og meir samordna? Kva innspel har de til korleis overgangar mellom rutene kan løysast betre? Kva type fleksible eller alternative transportløysingar ser de som aktuelle? Korleis kan private aktørar bidra til å styrkje brukaropplevinga og gjere reisa meir føreseieleg? Kva teknologiske eller digitale løysingar nyttar de som kan vere relevante i ein felles mobilitetsmodell? Kva erfaringar har de med samarbeid eller koordinering med offentlege aktørar innan kollektivtransport? Innspel knytt til mogleg kommersiell drift Skyss ynskjer også å få innspel knytt til mogleg kommersiell drift på utvalde ruter. Vi ynskjer å kartleggje om det finst interesse i marknaden frå kommersielle aktørar for å tilby tenester på desse strekningane, og korleis slike tilbod kan inngå i eit samla og samanhengande kollektivsystem. Dei innkomne innspela vil bli bearbeidde og inngå som del av det vidare vurderingsgrunnlaget for korleis desse rutene kan organiserast framover. Innlevering av innspel Vi ber om at innspela er poengterte og dokumenterte, til dømes i ein presentasjon som vert sendt til: [skjult]@vlfk.no Frist innan utgangen av 14. oktober 2025. Avhengig av omfanget på dei innkomne innspela, kan det bli invitert til dialogmøte der det vert høve til å leggje fram innspela.

Bransjekoder (CPV)

Geografi

Stedet er hentet direkte fra kunngjøringen og kan være oppdragsgivers administrative region, ikke nødvendigvis der ytelsen faktisk leveres.

Om denne anskaffelsen

Denne kunngjøringen ble publisert på Doffin 3. oktober 2025 av Bybanen Utbygging.

Tilbydere bør lese hele konkurransegrunnlaget nøye og merke seg kvalifikasjonskrav, tildelingskriterier og frister. Spørsmål til konkurransen rettes til oppdragsgiver.

Andre anbud fra Bybanen Utbygging

• R06 Rammeavtale for prosjekteringstjenester (23.10.2026)
• RFI - Reviderte endringsføresegn båt og ferje (20.10.2026)
• Marknadsførespurnad RFI - reservasjonsløysingar for passasjertransport (21.09.2026)
• Marknadsførespurnad (RFI) knytt til behov og utforming av bussanlegg i Bergensområdet (20.08.2026)
• Marknadsførespurnad (RFI) knytt til behov og utforming av bussanlegg i Bergensområdet (19.08.2026)

Lignende anbud

Flere anbud i samme bransje

• Flyttetjenester (rammeavtale) · Bærum kommune (23.10.2026)
• Leie av fartøy til prøvetaking fra fiskemottak · Havforskningsinstituttet · tildelt (22.10.2026)
• Markedsdialog - Transporttjenester · Bærum kommune (22.10.2026)
• Leiefartøy til mengdeestimering av NVG sild 2027-2028 · Havforskningsinstituttet · tildelt (22.10.2026)
• 2026 Rammeavtale innleie av lastebil med sjåfør · Trondheim kommune (22.10.2026)
• Rammeavtale Busstransport · UiT Norges arktiske universitet · tildelt (21.10.2026)
• Kollektivtrafikk med buss i Ryfylke Nord - K26-07 · Kolumbus AS (20.10.2026)
• RFI - Reviderte endringsføresegn båt og ferje · Bybanen Utbygging (20.10.2026)
• Tildeling av kontrakt - Busstransport til svømmeundervisning (barne- og ungdomsskole) - rammeavtale · Hamar Kommune · tildelt (20.10.2026)
• Rammeavtale for kjøp av flyttetjenester · Lillestrøm Kommune · avsluttet (20.10.2026)